السلام عليكم ورحمة الله وبركاته
شلونكم شخباركم ان شاء الله انكم بخير
اليوم جايب لكم قصيده روعه وان شاء الله انها تعجبكم !! :)
الله يجازي من يسوي سواتك
وبذنوب من سوى سواتك يجازيك
مشيت درب الثقل وتحب ذاتك
ماتدري أنه للمهالك يوديك
وغرك جمالك ياخسارت حلاتك
ماتدري أن ماغير طبعك يحليك
وتقول زينك يشع لسيئاتك
الحسن ماهو عن وفى الحب يعفيك
لو التواضع والوفى من سماتك
بعد الحبايب كلهم دين وأشريك
لكن عجزت أغيرك ياجراتك
على الغياب اللي بلى عذر ينجيك
خطاي في توضيح وشهي غلاتك
وخطاك في توضيح وشهو تغليك
وشلون توصيني وتنسى وصاتك
وتصد عن صوتن تقطع يناديك
ما فاتك التجريح والعذر فاتك
وتبي رضاي اللحين ماعاد يمديك
صحيح أحبك بس هذي جزاتك
بعلمك تدرسن يفيدك ويحييك
تدري وش أبيض من خفوقك؟ عباتك
وتدري وش اللي غرني؟ نظرتي فيك
أدري بتستغرب تصبر وجاتك
قصيدتن من واحدن كان يبغيك
وتبي تناظر وأنت عايش مماتك
شف وحدتك والناس تجلس حواليك
وتبي تشوف أشجع رجل في حياتك
شفني وأنا راحل على كثر مغليك
ماوصيكم بالردود :D
