الي شعرها مصبوغ وتبغا تعتني به عندي الحل

اللي صبغت شعرها تتهنى فيه وللي لسا عقبالها..


حبيت اشارككم بتجربتي مع الشعر المصبوغ
مشكلتي اني ما اهتميت بشعري قبل الصبغه وكان شعري منهك جدا وجاف
خصوصا ان عندي اختبارات وارضع
يعني حالة شعري سيئه جدا من جفاف لتقصف لتساقط..............
وعندي مناسبه مهمه فااضطريت اصبغه
وزاد الجفاف والتساقط
صرت اسمع صوت الشعره يوم تطيح
ههههههههههههه
المهم دورد في النت عن العنايه بالشعر المصبوغ لكن ما لقيت كثير
بس بالانجليزي فيه
ملخص الاهتمام بالشعر:
1- الترطيب قبل الاستحمام
استخدمت هذا المنتج من بالمرز

كثير بنات يمدحونه في المنتدى
ماصدقت يوم لقيته على بالي ماراح القى مثله
بس لا تكثري
لما كثرت غسلت شعري ولا خمس مرات بالشامبو ومافي رغووووووووه


وعلى فكره لما استخدمته بعد السشوار مباشرة (طبعا كميه بسيطه) خلى شعري منسدل وروعه لمده ثلاثه ايام ويمكن اكثر بس ما زودت عن 3 ايام


2- لازم تستخدمي شامبو وبلسم خاص بالشعر المصبوغ
لان فيه ترطيب عالي ويحافظ على لونه
انا جربت elvive من لوريال نفس نوع صبغتي
قلت اكيد هم اعرف وفعلا كان رائع جدا

خصوصا ان شعري مخصل خصل فاتحه
صراحه ابرز اللون
برغم اني قبل ما استعمله لقيت لون الصبغه اصبح مائل للبرتقالي برغم ان ما مر عليها اسبوع


انصحكم فيه وبكل الكولكشن تبعه
3- حمام زيت مره في الاسبوع حسب للي يناسب شعرك
الصالون نفسه نصحوني بفاشكول بالثوم وكنت متردده كثير
على بالي ريحته ثوم
هههههههههههههه
وانا متععوده على للي بالفواكه ريحته روعه ومفعوله ممتاز
بس لما جربت للي بالثوم
خطير
ريحته حلوه وترطيبه عالي صار شعري مافيه تشابك وسهل التسريح
خصوصا انه للشعر المجهد والمنهك
روووووووووووووووعه لا تفوتونه
وهذي صورته

طريقه الاستخدام حسب صالون رحت عندهم
قسمي شعرك خصل وغطيه بحمام الزيت خصله خصله وخليكي سخيه
بس مو تخلصيه من اول استخدام
وبعدين تلفيه بالنايلون مال حفظ الطعام لانه ما يترك مسامات لدخول الهواء فيكون العلاج مركز
واتركيه مده ربع ساعه الى عشرين دقيقه واشطفيه بالماء


4-استخدمت كريم للشعر من نفس شركه الفيف الخاص بالشعر المصبوغ
بسي ما لقيت صورته في النت ولا اقدر انزل صورته من الموبايل
بحط لكم اللون البرتقالي من elviveبس اختاروا الخاص بالصبغه
صورته على اليمين جنب الشامبو وغطاه غريب شوي
لا تاخذون الماسك على بالكم الكريم

5- اخر نصيحه ..استخدمي مشط عريض او فرشاه عريضه لان الشعر المصبوغ معرض للتكسر ولا تتعرضي للشمس غطيه ..ولا تخجلي اهم شئ جمالك وشعرك


منقول للفائده

بكل ماخطه حرفك




وبكل ماجمعه فكرك




تبقى مميز




ثق بأني أستمتعت كثيرا من بين السطور





كذاك كان موضوعكـ اخــــتي