احبه و الكل يشهد بغلاه احبه ومنه الله لا يحرمني
اعشق فيه جماله يامحلاه ولون عيونه اللي تذوبني
يا ويلي عليه لو بس القاء يروح يومه كله وهو بحضني
لكن الزين ما يكمل حلاه حبه حلو لكنه حيل متعبني
يبيني طول الوقت واياه ما اتركه ولا يبي يتركني
مايبني اتكلم الا معاه وبجنون غيرته صار يعذبني
واقول احسن اعيش بلياه ما ابيه يتصل ولا يسال عني
يمكن ارتاح من حبه وبلواه يمكن البعد عنه راح يريحني
ولما اروح واتقابل معاه القي اللهفه فيني تقتلني
وانسى اني قلت ابي انساه وتذكر انه حيل واحشني
احسه مالكني بحبه وغلاه وبلون عيونه احسه ساحرني
بروحي وحياتي انا افداه فديت حبه حتى لومتعبني
ما اقول غير بجنون اهواه وعن حبه الله لا يبعدني