♥ღ كلمة أحبك ما تكفيღ♥ღ, قصة بحرينيه رووووعهـ لا يفوتكم

بسم الله الرحمن الرحييييم


كلمة أحبك ما تكفيღ♥ღ, قصة بحرينيه رووووعهـ لا

يفوتكم


كلما أحلم بفارس أحلامي وأعيش أجمل اللحظات يرجع بي خيالي إلى مر الواقع ،،،


وكلما أرى السراب الجميل المليء بالفرح والحب العظيم أصل إليه وأرى غبار الأحلام ،،،


لكن سأحقق ما أريده حتماً ،،،


لمن يهوى قراءة القصص أقدم بين أيديكم قصه رومانسيه مؤثره في طبق من الفل والياسمين،،،


لكم كل الحكاية ،،،


.::أبـــــــ القصهـ ــطال ::.


شوق: بنت جمالها فوق الخيال بشرتها سمره عمرها 17 سنه..وآخر سنه
مدرسهـ ،،


أشواق: بنت عم شوق اتينن عمرها 18 سنه ... أول سنه
جامعهـ ،،


مرام: بنت عمهم الثانيه حبوبه وتقريبا تشابه شوق من ناحية الشكل
عمرها 17 سنه ..آخر سنه مدرسهـ ،،


.::أما أبطالنا الشباب::.


يوسف: ولد عمهم شاب وايد يحلم مو مكفيه حلم واحد يحب التغيير عمره 21 سنه يشتغل في عدة شركات ،،
فيصل: ولد عمهم بعد طيوب يحب الكشخه ويموووت على الطلعهـ والمغازل عمره 19 سنهـ ثاني سنه جامعهـ ،،
فهد: ولد عمهم الثالث وهو شاب صريح في كل شي وخصوصاُ الحب
عمرهـ 18 سنه ... يدرس في الجامعه

وهذي الجزء الاول وانشالله يعجبكم ،،،


،،الجـــــــــ الاول ـــزء،،


يوم الأحد بداية الدوام وهو ثقيل على الأبطال طبعاً
والمدرسة عندهم ممله وايد ومالها طعم >>> بنات هالزمن ما يحبون شي اسمه مدرسة


شوق كانت حدها تعبانه و مو راقدة عدل كانت سهرانه طول الليل راحت لها الخدامه عشان تقعدها لــــــــــكن !!!!!!!!،،،





الخدامه: شوق قومي سكوول،،،
شوق وهي مو مشتهيه أحد يقولها قومي حق المدرسه: أوووف روحي خليني أرقد ،،


الخدامه: شوق بعدين انتي بيتأخر قومي قومي،،،
اهني شوق عصبت قامت وطردت الخدامه برفسه قويه
وردت رقدت ،،،



الخدامه وهي تصيح وحاطه يدها على ريولها >>> من الرفسه خخخ
: مدام شوق ما يبي يقوم وقعدت تشتكي منها وعلى اللي تسويه لها ،،


أم شوق (فاطمه) أهني عصبت وراحت لغرفة شوق وطبعاً بصراااااخ قعدت اللي في البيت كله :شووووووقوه وثووول قومي احسن لج دام النفس عليج طيبه،،


شوق بسرعه فزت ( قامت ) من على السرير وراحت تتغسل وهي تقول: أنزين انشالله ليش ما قعدتوني من مسااعهـ ،،،


تغسلت ولبست مريولها وراحت حق امها : صباح الخير يا احلى ام في الدنيا ،،،
أمها وهي تضحك عليها : احلى ام في الدنيا عاد هههه صباح النور،،


شوق: يمه شفيج مو مصدقه انتي احلى واطيب واغلى ام في هالدنيا كلها بعد شتبين ،،،


ام شوق: الله مو من قلبج هالحجي بس لاني عصبت عليج تقولين جذيه،،


وبعد دقيقه ايي فهد ويحب راس امه ويقعد يفطر ويكملوها العايله بأحلى توأم أحلام وأشواق اللي عمرهم اربع سنوات ويروحون الروضه اللي تبعد عن بيتهم بشارعين وابوهم ماجد (بو فهد) اللي هواكبر واحد في أخوانه واللي أسس شركة كبيره مع خوانه
بويوسف اللي اصغر من بوفهد بسنتين وبو طلال وبو حمد وأخيراً آخر العنقود خالد اللي يدرس بره الديره وحلمه ان يكون طيار،،


((اللي بتعرٌفوون عليهم بالاجزاء اليايه))،،،


وبعد ما اجتمعوا الكل قعد محله على الطاوله وطبعاً القعده ما تخلى من الهواش بين التوأم ،،،


أحلام: أسواق ابي عصيري ليش خدتيه


شوق وهي ميته من الضحك: وي بسم الله عليج اختي بتروحين الاسواق هالحزه ههههه،،،


وفهد كملها بالضحك وقعدت أحلام المسكينه تصيح لانهم يتطنزون عليها


.................................................. .....


أما البطله الثانيه أشواق كان بدايه يومها حلو فكانت نشيطه وبارزه للجامعه لانها تموت على الدراسه وراحت حق امها وابوها ويدتها ( ام امها) وباستهم ومشت الجامعه عشان ما تتأخر ،،،


بوطلال ( يعقوب) : الله يحفضها انشالله والله هالبنت اهي بس اللي مفرحتني،،


أم طلال: أي والله ما في اللي ولدك اللي همه بس في الرقاد وبس،،
بو طلال : ليش طلال للحين ما راح المدرسه،،
أم طلال: لا للحين مشالله عليه راقد وانه لاعت جبدي وانه اقعده لكن ما في فايده نومه ثقيل،،


بوطلال: يالله الحين بروح اقعده عشان ما اتأخر على الشغل،،


أم فاضل (اليده): بو طلال يمه بالعدال عليه لا تخرعه،،
بوطلال: انشالله عمتي،،،


.................................................. .....................


وبطلتنا الثالثه مرام كانت نعسانه لانها كانت سهرانه مع امها اللي كانت تعبانه لبست مريولها وراحت باست امها وابوها وطلعت تنتظر السايق


.................................................. ............


الساعه 7 والكل كان في الدوام الا الامهات كل وحده تسوي شغلها وايااام يسيرون على بعض وطبعاً تبتدي انواع الحش والعقره على فلان وعلان خخخخ،،،


في مدرسة البنات الكل مستانس الا شوق اللي كانت نعسانه ومو فاضيه للدراسه طق جرس الحصه الاولى ودخلت المعلمه في صف شوق ومرام اللي كانوا في نفس الصف،،،
شوق: يالله خذ جوفي المعلمه شنو لابسه كأنها فار ميت هاهاهااااي ،،
مرام وهي خايفه: شووقوه سكتي أحسن لج لا تسمعج المعلمه مافينا شدتها،،


شوق: روحي زين هذي على يدي بربيها من يده ويديد حاطه دوبها ودوبي من بداية الدوام ،،،


مرام: كله منج،،،
شوق: شنو كله مني،،


اهني المعلمه انتبهت لهم وحطت كل وحده في مكان .....


نهايه الجزء الاول


أتمنى ان يكووون عجبكم عشااااان أكملها تحياتي لكم،،،

ها وين الردود ماعجبتكم

؟؟؟؟؟؟؟

روووووووعه
يسلموو

الله يسلمج حبي

يسلموووو خيتووو

الله يسلممممممج

مرسي قلبي

العفوووو

مشكوره

العفو وهذا الواجب

ميرسي
على القصة
قلبي

العفووووو حياتي
وميرسي ع المرور

تسسلمين قلبي القصصة حلووة