السلام علـيـكم
موضوع مهم و انتشر بكثرة بأخر فترة .. و هو المواضيع الا فيها اشياء ما نذكرت في الدين او السنة او الصحابة
او المواضيع الي فيها دجل و كذب ..
و بتلاقي معظم الناس بصدقوها و بنشروها ..
المواضيع هي مثلا " فتاة حلمت بالرسول و حكالها لازم تنشري الحلم .. و اذا ما نشرته رح تشعر بحزن و ضيق وووو
و ااذا نشرتها رح تشعر بسعادة و الله رح يرزقك ..
و في واحد نشرها و الله رزقه رزقه كبيرة ... و في واحد حذف الرسالة و ما نشرها الله قطع عنه الرزق و خسر فلوسه وووو "
و نسيوا انه الله وحده هو المعطي .. و انه رفعت الاقلام و جفت الصحف ..
ممكن تكون هي الشغلات فيها شرك .. لأنك اعتبرت انه الرسالة بتقدر ترزقك و تعطيك السعادة من دون الله تعالى ..
او مثلا المواضيع الي فيها تفسير لكلمات انجليزية .. مثلا brb او bye او .....:
" معنى كلمة (باي) هي دمت في رعاية البابا وحفظه ونحن الأن نشرك بالله دون أن نشعر....أنشرها بقدر ما إستطعت ولا تنطقها مرة اخرى . وتخيل كم ستنقد من مليون مسلم . وبإذن الله ستكون في ميزان حسناتك "
طبعا في كثير ناس كمان صدقوها .. و الله اعطانا العقل عشان نفكر .. وللأسف خاآااااصة العرب ما بستخدموا
و كل اشي بقرأوا بصدقوا من دون ما يتأكد من صحته ..
"اذا جاءكم فاسق بنبأ فتبينوه "
تفسير كلمة bye هي " God be with you "
يعني الله معك .. مش بعناية البابا !!!!!
او .. :
" إن التحيات إسم طائر في الجنة على شجرة يقال لها الطيبات بجانب نهر يقال له الصلوات فإن قلت التحيات لله والصلوات الطيبات نزل الطائر عن تلك الشجرة فانغمس في النهر ونفض ريشه على جانب النهرفكل قطرة وقعت منه خلق الله منها ملك يستغفر لك إلى يوم القيامة "
و في الاخير بكتبلك اذا بتحب النبي انشرها و اذا ما نشرتها معناتو شيطانك منعك ..
طيب من وين جابو هالحكي انه التحيات اسم طائر بالجنة و ابصر شو ... كله كذب .. و الي بنقله جاآهل
لا تكونوا إمـّـعه .. و انتبهوا لهيك شغلات ..
خاصة الاشياء الي بكتبوا فيها :
انشرها و رح يستغفرلك مليون ملك .. او انشرها اذا بتحب الرسول .. او اذا ما نشرتها معناتو شيطانك منعك ..او
اذا ما نشرتها رح الله ينتقم منك و رح يصيبك حزن و اذا نقلتها رح تيجيك رزقة و سعادة ووو ...
هي بتكون 90% كذب
واخر اشي ... يا ريت اذا اي شخص وصلتوا زي هيك شغلات و ما عرف اذا صحيحة او كذب ينقلها هون على الموضوع ..
و ان شاء الله المشرفين او انا رح نجاوبه ..
متأسف على الاطالة
